Contoh Puisi Bahasa Daerah Madura Beserta Analisisnya

  Èlmo

Sengko' bhunga bisa asakola
Nyarè èlmo ka'angghuy ibâdâ
Nyarè èlmo ta' ghâmpang
Kodhu aniat tor bhennèng atèna

Sengko' trèsna ka ca-kanca
Kanca sè ta' panceng asakola
Nangngèng èlmo panèka parlo
Sopajâ slamet dunnya akherat

Sè ta' panceng nyarè
Roghi è budhi arè

Analisis Struktur puisi bân èssèna puisi
1. Analaisi struktur Puisi
*Struktur Fisik
a)Perwajahan : Èserrat dâri kacèr/pènggir kantos jhujhuk dâ' tengnga.
b) Diksi : Ghadhuwân pèlèyan ca'-oca' sè ta' patè malarat tor nyareta'aghi orèng sè nyarè èlmo.
c)Imaji : Aghâmbhârraghi kabâdâ' ânna kanca sè rogi/kasta melana ta' panceng asakola/nyarè èlmo.
d)Oca' nyata : Oca' ibâdâ sè ka' dimmah aghâmbhârraghi settong orèng se masemma' dâ' sè kobâsa kalabân nyarè èlmo.
e)Majas : Metafora akadhi oca' bhennèng atèna.
f)Rima :
Paddhâ 1》a, a, a, a.
Paddhâ 2》a, a, b, a.
Paddhâ 3》a, a, a, a.

*Struktur Bhâtèn
a)Tema : Sakola'an.
b)Rassa : Bhunga tor ngènnès.
c)Nada :
》Sengko' bhunga bisa asakola(è maos tengghi tor jherna)
》Nyarè èlmo ka' angghuy ibâdâ(è maos rata)
》 Nyarè èlmo ta' ghâmpang (è maos tengghi tor jherna)
》Kodhu aniat tor bhennèng atèna (è maos rata)
》Sengko' trèsna ka ca-kanca(è maos tengghi tor jherna)
》Kanca sè ta' panceng asakola (è maos rata)
》Nangngèng èlmo panèka parlo (è maos tengghi tor jherna)
》Sopajâ slamet dunnya akherat (è maos rata)
》Sè ta' panceng nyarè (è maos tengghi tor jherna)
》Roghi è budhi arè (è maos tengghi tor jherna)
d)Amanat : Maèmot dâ' sè maos tor se mèrèngaghi sopajâ papanceng asakola/nyarè èlmo sopajâ ta' kasta è masa sè bhâkal dhâteng.

2. Analisis èssena puisi
Puisi "Elmo" panèka nyareta'aghi settong orèng sè senneng asakola karana asakola ka' dinto' padânah sarèng masemma' dâ' sè kobâsa/ibâdâ. Nyarè èlmo panèka ta' ghâmpang melana bâdâ syaratta. Syarattaèpon eyantarannah èngghi panèka kodhu andi' niat tor sabbâr.
Tetapè maskè ka' dinto' bâdâ orèng sè males ka' angghuy asakola/nyarè èlmo. Padahal èlmo panèka bisa masalamet odi' è dunnya kantos dâ' akherat.

Terima Kasih...

Semoga bermanfaat😊😊