Upacara Adhât Toron Tana

 Upacara Adhât Toron Tana

Upacara adhât toron tana èlampa'aghi è bâkto bhâji' omor pèttong bulân. Pakakas sè è ghuna'aghi aropa soroy, pulpen, Al-Qur'ān, pèssè, jhâjhân, bân salaennèpon. Bâdâ bubur sè èbhâdhi dâri berres mera ka'angghuy èbhâghi dâ' para onjhângan.

Upacara adhât toron tana ka'dinto ghâdhuwân pangngarep sopajâ bhâji' sè ampon nyedding tana bisa melè jhâlân sè bender salanjhângnga odi'na ban nyo'on kasalameddhân dâ' ka Allah.

Sè kabidhân dâlem upacara adhât toron tana èngghi ka'dinto bhâji' èsèram(èpandi'i).

Sè kapèng duwâ' para bhâlâ tatangghâ/onjhângan maos tahlil bân sorat Yasin.

Saamponna maos tahlil bân sorat Yasin, bhâji' pas lajhu è adhepaghi sareng râng-bhârâng sè aropa soroy, pulpen, Al-Qur'ān, pesse, jhâjhân ka'angghuy melè sala sèttongnga. Metorot kaparcajâ'anna masyarakat, manabi bhâji' ngala' soroy bhâji' ka'dinto bhâkal dhâddhi na' kana' sè dhujân adhândhân. Manabi bhâji' ngala' pulpen bhâji' ka'dinto bhâkal dhâddhi na' kana' sè dhujân nyerrat (nolès). Manabi bhâji' ngala' Al-Qur'ān bhâji ka'dinto bhâkal dhâddhi na' kana' sè dhujân maos(maca) Al-Qur'ān. Manabi bhâji' ngala' pèssè bhâkal dhâddhi na' kana' sè dhujân menta pèssè. Manabi bhâji' ngala' jhâjhân bhâkal dhâddhi na' kana' sè dhujân ngakan.

Saamponna lastare melè, bubur mèra sè ampon èsâdhiya'aghi pas èbhâghi dâ' sadhâjâ bhâlâ tatangghâ/onjhângan.

È bân-sabbân kennengan è Madhura andik caranah alampa'aghi upacara adhât toron tana beng-sebeng. Sakadinto' sala settong caranah alampa'aghi upacara adhât toron tana è Madhura, korang lebbinah kaulâ nyo'onna saporah.

Mator Sakalangkong🙏.